بيقولوا زعيم جنوبي.. لا

معروف سعد كان زعيم لبناني حمل بارودة ضد فرنسا، وطبشورة علّم فيها بحيفا، وخبزة قسما مع الصيادين ضد شركة بروتيين.

كان ينام المقاوم ببيتو، قاتل الفرنسي والبريطاني والاسرائيلي، وحمى جارو المسيحي بـ 1958.

السيد موسى الصدر قال عنو (عنصر الكرامة)

اغتالوه لأنه رجل حوار، والفتنة بدها صوت الرصاص مش حوار

اليوم عنا نواب عندن قصور وشركات بس ما عندن معطف كرامة واحد يلبسوه.

معروف علّم الفقير كيف يصير نقابة، هنّي علموا الفقير كيف يصير زبون.

معروف استشهد كرمال بحر الصيادين، هنّي باعوا البحر والبر والجو. مات معروف سعد وما ترك معطف يستعيرو، ولا قصر، ولا حساب بالبنك.

ترك مركب صياد، وطبشورة استاذ، وبارودة مقاوم.

اليوم الزعماء عندن كل شي

عندن قصور، عندن شركات، عندن تلفزيونات، عندن ميليشيات…

بس ما عندن شي واحد كان عندو ياه معروفكن

كرامة.

هنّي عم يورّثو ولادن كراسي، وعم يورّثونا دين وفقر وذل.

لهيك معروف بقي 50 سنة بعد الرصاصة، وهنّي ماتوا قبل ما يموتوا

الله يرحم الزعيم ويرحمنا من الزعران..

المصدر: صفحة صيداويون