يا أكبر من الحرف شو بقلك.!
و مين قادر يوصفك كُلك.؟
حكم القدر أعمق من التفكير
اخترلك طريق.. و هيك اسهلك
كرمال فينا تضل غالي كتير؟
و ما يغبّش. الخفاش ع. مطّلك
امر القدر ما بيقبل التأخير
مد ايدو من الصبح بكير
و شدك لعندو.. بس تا. يجلك
……
ما كنت ناوي اذكر الماضي
يا سيف حق. بقسمتو راضي
يمكن كنت تطمع بحب الناس.
تا صرت عقلوب البشر حاضي
و لما بوحيد شربت مر الكاس
و كنت راضي بحمة القاضي
لبست العقل تا تشلح الوسواس
و عرفت انو الموت مالو قياس
مليان عم يركد ورا فاضي.
…..
علمتنا من يوم كنا زغار
حروف الهجاء و حكمة الشُعار
نسجنالك من الحرف توب الغيد
بريشة نغم دايب على الاوتار
و صرنا على السرساب و التنهيد
مع كل دعسه لآخر المشوار
نعجن خمير الشعر. ايد. بأيد
تا صار بيت الشعر بعواميد
تمثال… خلّد. احمد الحجار
…..
وهلق بعد بعد ما صرت بسنين الغياب
عايش نعيم الآخره بعد العذاب
الشجره الي عاشت عمرهاتعطي زهور
ناكل فواكي فروعها و نعصر شراب
راحت لدار الآخره. ضوعة. عطور
و خلفت من. صلبها احلى شباب
تركتنا ميراث ع الدفتر سطور
احلى بلاغه و فلسفه و آبات نور
من كل كلمه كتبتها منطبع كتاب
……إلى رحمة الله ابو رائد……..
المصدر: صفحة عاصم زرزور
